142
Sámediggeválga dáhpáhuvvá oktanaga stuorradigge
válggain. Sámediggi stivrejuvvo seamma prinsihpaid vuođul
go Stuorradiggi. Sámediggi galgá bargat dan ovdii ahte sámi
álbmot gieđahallojuvvo ovttaárvosaččat ja vuoiggalaččat,
ja lassin bargat dan ovdii ahte sámit sáhttet seailluhit ja
ovddidit gielaset, kultuvrraset ja servodagaset.
Giđđat 2005 mearridii Stuorradiggi finnmárkolága mii
sihkkarastá sámiid ja eará finnmárkulaččaid vuoigatvuođaid
Finnmárkku eatnamiidda ja čáziide.
Gávdnojit máŋgga lágan stivrenvuogit máilmmis. Leat
demokratiijat main leat sátnefriddjavuohta, oskufriddja
vuohta, čoahkkananfriddjavuohta ja olmmošvuoigatvuođat.
Diktatuvrrat leat eahpedemokráhtalaččat.
luondduviđá:
naturgitt
Gažaldagat
1 Manin gohčoduvvo 1700-lohku Frankriikkas?
2 Galle stuorradiggeáirasa válljejuvvojit juohke njealját jagi?
3 Gii jođiha ráđđehusa?
4 Mii lea eamiálbmot?
5 Mat sihkkarastet sámi álbmoga vuoigatvuođaid?
6 Mii lea Sámedikki ulbmil?
7 Mat leat demokratiija ja diktatuvrra dovdomearkkat?
