132
Sámediggeráđđi válljejuvvon čakčat 2013. Lea unnitlohkoráđđi man
ovddasta NSR. Gurut beales: Thomas Åhren, ráđđelahttu; Ann-Mari
Thomassen, ráđđelahttu; Aili Keskitalo, presideanta ja Henrik Olsen,
sadjásašpresideanta.
Presideanta ja ráđđelahtut juogadit gaskaneaset áššiid
maiguin galget bargat. Muhto presideanttas lea bajimus
ovddasvástádus buot áššesurggiin. Áššesuorggit leat nugo
oahpahus, vuođđoskuvla, giella, vuoigatvuođat jna.
Sámedikki nuoraidpolitihkalaš lávdegoddi (SáNuL)
Sámedikki nuoraidpolitihkalaš lávdegoddi (SáNuL) galgá
bargat áššiiguin mat gusket nuoraide. Ulbmilin lea beassat
váikkuhit Sámedikki politihkkii. SáNuL ásahuvvui bissovaš
orgánan 2003:s. Nuoraidlávdegottis leat vihtta fásta lahtu.
Sámediggeráđđi nammada lahtuid. Lahtut leat gaskal 16 ja
28 jagi, ja leat miehtá riikka nuorat. Sin bargun lea:
