125
Norgga eiseválddit leat dohkkehan sámiid gullevašvuođa
iežaset árbevirolaš eatnamiidda. Rabadettiin Sámedikki
golggotmánu 7. beaivve 1997:s, Gonagas HaraldV celkkii ee.:
«Norgga stáhta vuođđun leat guovtti álbmoga ássanguovllut
– norgalaččaid ja sápmelaččaid.» Dat mearkkaša dan ahte
goappašiid álbmogis lea seamma vuoigatvuohta beassat
seailluhit ja ovddidit iežas kultuvrra ja giela. Dát prinsihpalaš
ovttaárvosašvuohta lea nannejuvvon Vuođđolága §110a:s.
Govva čájeha Gonagas Harald vihaheamen almmolaččat
Sámedikki ođđa gárdima skábmamánu 2. beaivve 2000:s.
----
