122
Sámit leat unnitlogus Norggas ja nu eai bastte ovdan buktit
áššiideaset dábálaš demokráhtalaš orgánaid bokte mat
leat vuođđuduvvon eanetlohkodemokratiija várás. Datte
lea sámiin, go leat eamiálbmot, vuoigatvuohta váikkuhit
sin boahtteáigái dainna lágiin ahte sihkkarastit ja ovddidit
sin giela, kultuvrra ja servodateallima. Vuođđolága § 110
paragráfas čuožžu ahte:
Stáhta eiseválddit leat geatnegahttojuvvon lágidit dilálaš
vuođaid nu ahte sámi álbmot Norggas sáhttá sihkkarastit ja
ovddidit iežas giela, kultuvrra ja servodateallima.
Norga lea geatnegahttojuvvon váldit vuhtii sámiid beroš
tumiid earret eará Sámelága, Finnmárkolága, Plána- ja
huksenlága, Kulturmuitolága, Boazodoallolága, Oahpahus
lága ja Báikenammalága bokte.
Láhkaprofessor Carstein Smith, gii lei vuoigatvuođalávdegotti
jođiheaddji, geige lávdegotti čielggadeami justiisaministarii, gii lei
Mona Røkke, 1984:s. Vihtta jagi maŋŋá ásahuvvui Sámediggi.
