144
Guorahallan
1 Dán guorahallama galgabehtet bargat joavkkus.
Oahpaheaddji ráhkada joavkkuid, 3-5 oahppi joavkkus.
Joavku galgá hábmet servodatdili gažaldaga nugo omd:
•
Leago vejolaš oažžut bálvalusa sámegillii sihke
njálmmálaččat ja čálalaččat almmolaš ásahusain du
gielddas/suohkanis?
•
Leago go buot vuođđoskuvlla oahpahus sámegielas ja
sámegillii du lagašbirrasis?
•
Makkár astoáigge doaimmat leat du birrasis?
Joavku galgá plánet ja čađahit iskama joavkku ráhkadan
gažaldagaid vuođul. Digaštallet njálmmálaččat ja čálalaččat
bohtosiid joavkkus dahje ceahkis.
2 Čále servodatfágalaš teavstta. Vállje čállit ovtta čuovvovaš
fáttá birra:
•
stivrenvugiid demokratiija ja diktatuvrra birra.
•
stáhtavugiid monarkiija ja republihka birra
•
olmmošvuoigatvuođaid birra.
Geavat čálidettiin fágadoahpagiid ja gáldočujuhusaid.
Ákkastala čoahkkáigeasu.
3 Reflektere dihto servodatfágalaš gažaldaga. Oza daid
dieđuid iešguđet digitála ja bábir-gálduin. Digaštallet
gálduid áigumuša ja áššegullevašvuođa joavkkus dahje
ceahkis.
4 Čuovvovaš tabealla muitala vuođđoskuvlaohppiid logu,
geain lea sámegiella fágabiirres, skuvlajagi 2005/2006
rájes skuvlajagi 2011/2012 rádjai:
2005/06 2006/07 2007/08 2008/09 2009/10 2010/11 2011/12
Oktiibuot
3055 2672 2542 2517 2346 2245 2153
Davvisámegiella
2844 2479 2354 2339 2158 2058 1987
Julevsámegiella
88
77
79
77
81
96
72
Lullisámegiella
123
116
105
101
97
91
94
(Sámi logut muitalit 5, Raporta/Rapport 1/2012 siidu 108)
