159
Čoahkkáigeassu
Gielda/suohkan lea geográfalaš guovlu. Lea maiddái
politihkalaš ja hálddahuslaš ovttadat. Sátnejođiheaddji lea
politihkalaš jođiheaddji, ja ráđđeolmmái lea hálddahusa
jođiheaddji.
Politihkalaš válljejuvvon gieldda/suohkanstivra mearrida
gieldda/suohkanbušeahta ja mo ruđat galget geavahuvvot.
Gieldda/suohkanplánamuitalamasa ja gosa gielda/suohkan
áigu geavahit ruđa ja bargoveaga. Dát muitala maiddái
makkár fálaldagaid gielda/suohkan fállá mánáide, nuoraide
ja rávisolbmuide. Dát čilge earret eará gosa geainnut, viesut
ja skuvllat galget dahkkot.
Gieldda/suohkana sisaboađut leat vearut, divadat ja stáh
ta doarjagat. Buohkain lea vuoigatvuohta leat mielde
hábmemin iežaset báikkálaš birrasa ja oažžut dieđuid gield
da/suohkana plánaid birra. Sihke rávisolbmot ja nuorat
vuollil 18 jagi sáhttet evttohit áššiid gieldda/suohkanstivrii
jos ožžot uhcimusat 300 báikkálaš olbmos doarjaga áššái.
Lea gieldda/suohkanválga juohke njealját jagi. Buohkain,
geat leat badjel 18 jagi ja geat leat ássan Norggas uhcimusat
golbma jagi, lea jienastanvuoigatvuohta. Buohkat fertejit
leat čálihuvvon jienastuslohkui. Ferte duođaštit ahte lea
jienastanvuoigatvuohta ovdal go beassá jienastit.
GAŽALDAGAT
1 Gii lea politihkalaš válljejuvvon jođiheaddji gielddas/
suohkanis?
2 Makkár barggut leat gieldda/suohkanstivrras?
3 Gos oažžu gielda/suohkan sisaboađu?
4 Gii sáhttá jienastit gieldda/suohkanválggas?
