173
GAŽALDAGAT
1 Geas lea formálalaš fápmu?
2 Galle álbmotjienasteami leat leamaš Norggas?
3 Manin gohčoduvvo dat go muhtimat rihkkot lágaid ja
mearrádusaid veahkaáju vugiid haga?
4 Makkár akšuvnnaid álggahedje sápmelaččat 1979:s?
ČIEKŊUDEAPMI
1 Man láhkai livččet reageren jus livččet fuobmán ahte
juhkančáhci du guovllus lea nuoskkiduvvon, muhto
báikkálaš eiseválddit oaivvildit ahte ii sáhte almmuhit velá,
danne go turistaáigodat álgá. Čális ákkaid mat dorjot du
čuoččuhusa, ja digaštallet ceahkis.
2 Gávnna golbma ovdamearkka čoahkkinfriddjavuođas
Norggas. Man láhkai jáhkát servodat livččii leat jus ii livčče
leat čoahkkinfriddjavuohta? Geavat áinnas ovdamearkkaid
eará riikkain nai.
3 Vállje golbma dahje njeallje organisašuvnna. Iskka makkár
áššiid vuoruhit bargat, ja gávnna man stuorra váikkuheapmi
sis lea. Namut ovtta ovdamearkka maid leat juksan/joksan.
GUORAHALLAN
1 Fossiila boaldinávdnasat leat koalla, olju, gássa mat addet
duođalamos CO2-luoitima. Ovttasbargga luonddufága
oahpaheddjiin. Guorahala makkár eará energiijagáldu
sáhttit geavahit ja ođasmahttit. Ráhkat reklámapláhkáha
mas boahtá ovdan vejolaš molssaeavttu energiijagáldu.
Čielggat maid leat gávnnahan ja bohtosiid.
2 Geavat interneahta ja guorahala Attac Norga. Ovdanbuvtte
bohtosiid njálmmálaččat ja čálalaččat.
3 Leago ášši maid oaivvildat ahte lea nu dehálaš ahte sáhtášit
geavahit siviila jeagohisvuođa? Gávnna čuoččuhusaid ja
digaštallet ceahkis.
