184
Go mediat áigot ovddidit sága, de berre leat čielggas ahte
ulbmiljoavku ádde dahje ipmirda dan. Mii sáhttit dulkot sága
iešguđet láhkai. Mearkkaša ahte mii bidjat iežamet sisdoalu
dan ektui man láhkai mii áddet dahje ipmirdit. Lea okta daid
sivain ahte tv lea šaddan miellaávkkálaš media. Sivva soaitá
leat ahte jáhkkit govva ii gielis.
Muitalit sáhttá máŋgga láhkai
Go boađát rievssatbivddus ja áiggut muitalit dan birra, de
muitalat mátkki birra iešguđet láhkai iešguđet olbmui.
Skihpáriidda muitalat mii lei gelddolaš mátkkis ja maid leat
dahkan boastut. Váhnemiidda gis muitalat man čábbát don
láhttejit. Jus galggat čilget oahpaheaddjái gii jearrá go leat
ožžon friddja dan mátkái, de boađát sihkkarit čilget man
ávkkálaš mátki lei. Buot du veršuvnnat, du oainnu mielde,
leat duohta. Mearkkaša ahte heiveha sága guldaleaddji
ektui.
Dan seammá barget maiddái journalisttat. Fertejit vál
ljet fákta, mearridit mii galgá šaddat ođasin, ja man láhkai
ođas galgá ovdanbuktot. Jus ovdamearkka dihtii nuorat
leat illástan muhtin olbmo, de sáhttá dáhpáhus muita
luvvot máŋgga láhkai. Journalisttat sáhttet deattuhit ahte
dárbbašuvvojit eanet politiijat mat oidnojit. Sáhttet muita
lit illástuvvon olbmo vásáhusaid ja dárkilit čilget man láhkai
son lea illástuvvon. Dasa lassin sáhttet čállit dáid nuoraid
gárrenmirkkuid geavaheami birra. Sáhttet maiddái jearahit
makkár ovddasvástádus váhnemiin lea dahje man láhkai
skuvllat geahččalit hehttet givssidemiid. Leat ollu vejolaš
vuođat.
«Muitalit man nu bealis» muitala maid journalista háliida
deattuhit. Lea dehálaš jurddašit maid dihto muitalanbealli
mearkkaša. Ođas soaitá leat oaivvilduvvon dihto ulbmil
jovkui. Lea danin dehálaš lohkat, guldalit ja geahččat kritih
kalaččat mediaid sisdoalu.
miellaávkkálaš:
holdningsskapende
