188
Riikkain gos stuorra oassi álbmogis leat analfabehtat, eai
máhte lohkat eai ge čállit, ja eai suitte oastit tv, mearkkaša
radio hui ollu. Radio bokte sáhttet eiseválddit juohkit die
đuid ja lágidit oahpahusa. Muhto leat maiddái hehttehusat:
Go nu ollugat fertejit luohttit radioi áidna diehtogáldun,
de sáhttá ráđđehus ribahit geavahit dan propagándan.
Mearkkaša ahte ráđđehus sáhttá oktageardánit čilget ja
diehtomielalaččat báidnit olbmuid guottuid dihto áššis.
1981:s mearridii Stuorradiggi ahte NRK:a monopola galggai
loahpahuvvot. Rahppui vejolašvuohta priváhta lagašradio
sáddagiidda. Seammás maiddái loahpahuvvui radio ja tv:a
reklámagielddus. Ollu báikkálaš reklámaruhtaduvvon radio
kanálat ásahuvvojedje 1980- ja 1990- logus.
NRK Sápmi
Vuosttaš sámegiel sáttamii sáddejuvvui studios, dáhpáhuvai
Romssa gávpogis skábmamánu 8. beaivve 1946 tiibmu
1640-1700. Sáddaga doaimmahii guovdageaidnulaš
Sara
Klemetsen Hætta
, gii lei vázzimin skuvlla doppe.
Oahpaheaiskuvlla oahppiguovttos
Edel Hætta Eriksen
ja
Katrine Johnsen
šattaiga doaimmaheaddjin giđđat 1948.
Ledje guokte 15 minuhta guhkkosaš sáddaga vahkkui.
Easkka jagi 1959 NRK:a Sámeradio bođii buoret ortnegii go
Katrine Johnsen, eret Ráttovuonas Deanus, bođii Čáhce
sullui fásta doaimmaheaddjivirgái. Čáhcesullos gal ii lean nu
buorre bargat sámegiel doaimmaheaddjin, muitala Katrine
Johnsen girjjis mii lea čállon su birra. Doppe olgguštedje ja
cielahedje sápmelaččaid. Ii son ožžon NRK:a njunnošiin ge
nu ollu doarjaga. Sin oaidnu lei ain dat ahte sámegielas ii
lean boahtteáigi, danne go dáruiduhttin lei juo nu báidnán
sápmelaččaid ja Sámi.
Čáhcesullos Katrine Johnsen oaččui veahki ja doarjaga Thor
Frettes, gii barggai NRK:a dárogiel prográmmaid doaimma
headdjin. Vaikko Frette lei dáčča, de son máhtii sámegiela
go lei bajásšaddan Kárášjogas. Son lei maiddáái lohkan
sámegiela Oslo universitehtas.
