195
Guorahallan
1 Dán guorahallama galgabehtet bargat joavkkus.
Oahpaheaddji ráhkada joavkkuid, 3-5 oahppi joavkkus.
Joavku galgá hábmet media ja váikkuheami gažaldaga
nugo omd:
•
Makkár ođđasiid lohket skuvlaoahppit?
•
Makkár media geavahit (áviisa, radio interneahtta jna.)?
Joavku galgá plánet ja čađahit iskama din ráhkadan gažaldaga
vuođul.
Digaštallet njálmmálaččat ja čálalaččat joavkkus dahje ceahkis
maid lehpet gávnnahan.
2 Reflekterejehket dihto báikkálaš ođđasa. Ohcet
daid dieđuid iešguđet mediain. Digaštallet mediaid
muitalansaji ja ulbmila.
3 Identifiserejehket servodatfágalaš ákkaid, faktaid ja
čuoččuhusaid servodatdigaštallamiin ja digaštallamiin
medias nugo interneahtas. Árvvoštallet daid kritihkalaččat
ja árvvoštallet vuoigatvuođaid ja váikkuhusaid go
almmuhuvvojit interneahtas.
