194
ČIEKŊUDEAPMI
1 Loga muhtin lohkkiidčállosa báikkálaš
áviissas. Vállje čállosa mii geasuha
du beroštumi. Digaštallet ceahkis
lohkkiidčállosa. Čále lohkkiidčállosa
mas kommenteret čállosa válljema,
dahje čále lohkkiidčállosa ášši birra
mas beroštat. Sádde dan báikkálaš
áviisii dahje sádde dan digitála fiilan
ja/dahje
.
2 Makkár media bargu lea du mielas
dehálamos? Manin lea dat dehálaš?
3 Manne ii leat doarvái ahte oaččut
mielde ođđasiid ja dieđuid dušše tv:s?
4 Vállje muhtin riikkaáviissas njeallje
ođđasa maid ovdanbuvttát ceahkis.
Man láhkai ovdanbuktojuvvo ođas?
Makkár dieđut bohtet ovdan?
Leago juoga maid váillahat? Makkár
prinsihpaid lea journalista čuvvon
ovdanbuktit ođđasa?
5 Bajilčála lea «Buollin nuoraidskuvllas».
Mii sáhttá leat dáhpáhuvvan? Man
oaidninsajis lea vejolaš ovdanbuktit
ášši? Makkár váikkuhusat leat buot
dáid oaidninsajiin? Makkár oaidninsaji
vállješit don?
6 Man láhkai sáhtášii media váldit
buorebut oktavuođa nuoraiguin? Čális
lohkkiidčállosa, čális váldodoaimma
headdjái čállosa dahje bádde jietna/
govva-jiena fiilla du oainnu áššái.
Man láhkai ovddidat ášši iešguđetge
vuostáiválddi ektui?
7 Makkár ovdamunit leat radios tv:a ektui?
Ráhkat sáhkavuoru dievasdigaštallamii
mas ákkastalat ahte radioguldaleapmi
váikkuha dan láhkai ahte šattat čeahpit
oahppi.
8 Namut ovdamearkkaid ja čájet man
láhkai ođđaáigásaš teknihkka dagaha
vejolažžan oažžut ođđasiid ovdan
jođánappot.
9 Mii lea buorre ođas dutnje? Mii lea
fáddá, makkár dieđuid háliidat, ja
makkár oaidninsadji geasuha du
eanemusat ja lea go dárbu govvii?
Ráhkat váldoalmmuheami áviisii,
interneahttasiidui dahje radio/tv
ođassáddagii (golbma minuhta).
10 Sohppet ceahkis geahččat seamma
filmma. Čállet dahje lohkket
jietnabáddái filbmaárvvoštallama ja
buohtastahttet bohtosiid.
11 Sámi mánát ja nuorat gaskal 11-16
jagi čohkkájit jaska tv:a ja dihtora
ovddabeale dahje barget leavssuid
gaskamearálaččat 40 tiimmu vahkkui
earret skuvlaáiggi. Ráhkat statistihka
áigegeavaheami birra ohppiid gaskkas.
Iskka seammás geat dáid gaskkas leat
mielde fysalaš lihkadeami doaimmain.
Man láhkai sáhtát dulkot bohtosa?
oaidninsadji:
dás: vinkling
