200
Sahtedohko veahkaváldi
Son čorpmahalai ja čievččahalai. Johtilis gieđat iskkastedje
su lupmaid. Geahččalii huikit, muhto vástádussan dasa lei
gámavuođđu ámadadjui. Bursa ja čoavdagat jávkkihedje,
diibmu njulgestaga gaikkihuvvui eret. Vel oktii gáma
njuolgga njeazzái ja buot čáhpihii.
Viđanuppelotjahkásaš Jovnna lei fitnan kinos ja ruoktot
jođus. Son lei ustitguoktáin fitnan kinos geat oruiga eará
guovllus gávpogis. Go lei rasttildan muhtun ávdin párkka,
bisseheigga guokte amas nuorra dievddu su. Álggos
ánuheigga sus ruđa, muhto go biehttalii, de uhkádallagođii
ga soai su. Jovnna lei haksán sudnos vuollahája dalle
go nubbi sudnos sálvvai gitta biktasiidda ja čorbmadii
njuolgga ámadadjui. Son geahččalii viehkalit báhtui, muhto
čorbmaduvvui vuot ja njuvddestuvvui čivrii.
Veahkaváldi lea fasttes fysalaš dahku.
