206
gihtii beassan geahčadit áššebáhpáriid dannego ledje ožžon
kopiijaid báhpáriin.
Láhka dadjá ahte lea áktora bargu duođaštit ahte áššá
skuhtton-guovttos leaba sivalaččat. Son lea maiddái geatne
gahtton ovdan buktit áššebeliid mat sáhttet áššáskuhtton-
guoktá dubmet sivaheapmin. Áktor galgá ášši ovdan buktit
neutrálalaččat ja objektiivvalaččat.
Lásse-guovttos Máhtiin ášši ovddiduvvui diggegoddái
mii lea vuolimus dahje vuosttamuš riekteinstánsa dahje
duopmostuollu.
Diggegottis leat golbma miellahtu váldošiehtadallamis
ráŋggáštusáššiin: fágaduopmár gii lea jurista, geas lea dát
fága oahppu, ja guokte mielduopmára.
Gii sáhttá válljejuvvot mielduopmárin?
Son gii lea
• deavdán 18 jagi
• sivaheapmi, nu daddjon olmmoš gii lea luohtehahtti ja
geasa sáhttá jáhkkit
• dohkálaš gieldda- dahje suohkanválggaide
• dubmekeahtes, geas leat buhtes báhpárat
Geat eai sáhte leat mielduopmárin
• stáhtaráđi miellahtut
• ámmátolbmot dubmen-ámmáhiin ja riektečállit, nu
daddjon geain juo lea doaibma diggeáššis
• áššáskuhttin-eiseválddi virgeolbmot, politiijat ja
giddagasat
• stáhtagirku báhpat ja báhpat dahje sárdnealbmát
registrerejuvvon oskuservviin
• doaibmi advokáhtat
