210
Duopmu
Maŋŋá bottu čoagganii diggi fas. Golbma duopmára ledje
miehtan duomu ja fágaduopmár logai duomu jitnosit.
Máhtte gii lei leamaš dušše geahččin, oaččui golmma
mánnosaš
evttolaš duomu.
Dat mearkkaša ahte son ii
dárbbaš čohkkát giddagasas dainna eavttuin ahte ii daga
ođđa ráŋggáštahtti daguid boahtte guokte jagi. Jus dahká
ođđa láhkarihkkumiid, de lasihuvvojit dat golbma mánu dan
ođđa dupmui, maid dalle oččošii.
Lásse oaččui garraseabbo duomu go Máhtte. Duopmu lei
golmma mánu
eavttuhis giddagas.
Dat mearkkašii ahte
son fertii čohkkát giddagasas. Dan sivvan lei go son lei dat
aktiiva olmmoš rievideames, ja lassin ahte son lei ovdal
dubmejuvvon danne go lei dahkan duođalaš vearredaguid.
Duomu sáhttá guoddalit
Jus ii leat duhtavaš duomuin, de sáhttá
guoddalit
duomu.
Mii mearkkaša ahte duopmu gieđahallojuvvo alit duopmo
stuolus. Duopmu mii lea celkojuvvon diggegottis, sáhttá
guoddaluvvot lágamánneriektái. Muhtun duomut guodda
luvvojit gitta
Alimusriektái.
Eurohpalaš olmmošvuoigatvuođariekti Strasbourgas lea
Eurohpá alimus duopmostuollu. Dán duopmostuolus gieđa
hallojuvvojit hui duođalaš áššit, dego álbmotgoddimat.
evttolaš duopmu:
betinget dom
eavttuhis duopmu:
ubetinget dom
eavttuhis giddagas:
ubetinget
fengsel
guoddalit:
anke
guoddalus:
anke
