72 / 98
71
6. mot galgá oažžut iežas friddjasielu mátkkoštit ja vuostáiváldit
dieđuid,
7. mot galgá rievdadit iežas gumpen dahje guovžan, ja mot earáid
sáhttá rievdadit danin nu ahte šaddet ruohttat meahceeallin ja
vahágahttit eará elliid ja olbmuid,
8. mot galgá bahá bidjat olbmuide ja elliide ja vahágahttit sin
geaid ieš dahje earát vašuhit,
9. mot galgá suoláduvvon diŋggaid oažžut ruovttoluotta ja
ráŋggáštit suollagiid.
Gáccit oahpahedje noaiddi daid ipmiliid ja oaffarbáikkiid birra
maid son galggai geavahit. Dákkár báikkit galge leat lihkolaččat,
veahkkát ja fámolaččat. Sii gulle sin geat čurvo heađis, erenoamážit
sin geat oaffarušše sidjiide. Dasto oahpahedje gáccit noaiddi gos,
goas ja mot son galgá čađahit iežas oaffardoaimmaid.
Dáhpáhuvai ahte noaidi gácciid gohččuma mielde gásttašii
buohcci máná dahje čirrolas máná. Dalle galggai son mannat vulos
jábmiidriikii ja ohcat rievttes nama “seammaládje go bivdi ohcá iežas
sállaša”. Noaidi lei maiddái dat guhte dáguhii olbmuide man
dárbbašlaš lea doahttalit iežas eatnigiela, árbevirolaš bivttasvieruid ja
viessohuksema.
Lei maiddái gácciid gohččuma vuođul ahte noaidi muitalii ol-
bmuide man dehálaš lei doalahit boares eallinvuogi jus háliidii eallit
guhká. Máŋgii jagis galggai olmmoš leat doppe gos leat alla várit,
vuomit, bávttit ja ávžžit, mat leat guhkkin eret dain báikkiin gos dáč-
čat orrot. Jus bisánii beare guhká ovtta báikái ii ge mannan dain bák-
kiin gos gáccit orrot, de sáhtii lihkohuvvat ja jápmit. Gácciid bealis
deattuhii noaidi man dehálaš luohti lea. Dan oaivvildedje buktit lihku
danne go dat sáhtii doalahit olbmuid eret olu váralašvuođain. Luođi
haga ii sáhttán olmmoš eallit ii ge doalahit iežas lihku ja dearvvaš-
vuođa.
Veahkeheaddji ja vahágahtti fámut
Isaac Olsena mielde gávdnojedje guovttelágán gáccit. Nubbi joavku
lei dat mii mielddisbuvttii buori:
o Buorit gáccit oahpahedje olbmuide bargat buori nu go omd. gásttaªit
mánáideaset oππasit go buhce, buoridit buohcci olbmuid ja elliid, váldit
eret baháid mat ledje biddjon olbmuide dahje ªibihiidda, jávkadit
lihkohisvuoπa mii boπii bivdiid ja guolásteddjiid guovdu, ohcat ja gávd-
nat fuoππuid ja guliid ja veahkehit sin guπet leat heaπis.