73 / 98
72
Peder Olssøn lei sápmelaš guhte oahpai sihke bahás ja buriid
goansttaid gácciin. Su mánát orro Ávjováris Kárášjogas. Muhtun gác-
cit bohte Pedera lusa ja fálle sutnje oahpahit noaidevuođa. Son jearai
gos sii bohtet, leat go Ipmila vai neavrri sáttatolbmot. Go muitaledje
ahte bohte neavrris, de son ii áigon singuin maidege dahkamušaid,
muhto jus livčče boahtán Ipmilis, de son gal áinnas livččii váldán
vuostá oahpa. Gáccit vulge eret, muhto bohte maŋŋel ruovttoluotta
čábbáset hámis ja lohke ahte dál sii bohtet Ipmilis. De gal Peder
válddii sin bures vuostá ja gazzagođii oahpu sis. Sii álge vuos oahpa-
hit su juoigat, muhto dušše girku ja áltára birra, ja “skuirris Ipmila” bir-
ra. Olsen ii beassan goassege diehtit maid dat namma mearkkaša.
Skuirris
soaitá vuolgit
skearru-
sánis mii mearkkaša jorbadasa dahje
juvlla, nu ahte dat govvidii áltárláibbi mii olbmuid árbevierus dávjá lea
geavahuvvon veahkkin buozanvuođa ja eará váraid vuostá.
Peder Olssøn dulkui gácciid oahpu buorren ja ávkkálažžan gitta
dassážii go son darvánii sidjiide ja šattai dahkat nu mot sii dáhtto. Go
son muitalii ahte son háliidii šaddat rikkis, de su sávaldat ollašuvai.
Isaac Olsen oaivvildii ahte muitalus lei govvádussan dasa man álkit
gáccit sáhttet beahttit olbmo. Buorit noaiddit barget buriid nu guhká
go gáccit leat buoredáhtonat, muhto dat sáhttet bargat olu baháid jus
suhttet. Dalle sáhtii geavvat seammaládje go Hendrick Jonssøniin
Várjjagis guhte lei beakkán čeahpes noaidi. Muhto muhtomin go son
suhtai, de son gottii ovtta olbmá iežas noaidevuođain. Su suhttu da-
gahii ahte son jeagadii váralaš gácciid:
o Váralaª gáccit oahpahit geaidit, bidjat baháid olbmuide ja ªibihiidda,
goddit olbmuid ja elliid noaidevuoπa bokte, dat jorgalahttet sihke elliid
ja guliid bivdobáikkiin, huhccalit gumppiid ja guovΩΩaid olbmuid ªibi-
hiid nala, viegadit ieΩa birra gumppe ja guovΩΩa hámis, nuppástuhttet
earáid gumpen ja guovΩan, ja bohciidahttet lihkohisvuoπa ja vahágiid nu
mot sidjiide heive.
Ledje dakkár gáccit maid boranoaiddit geavahedje iežaset veahkkin.
Isaac Olsen muitala fearána muhtun Zare Lassesøn birra guhte oah-
pai bahás noaidegoansttaid gácciin. Su mánát orro Porsáŋggus Ol-
sena áiggis. Dalle go son lei nuorra, bohte gáccit Zare lusa ja fálle
oahpahit sutnje noaidevuođa almmá makkárge mávssu haga. Son
galggai šaddat nu jierbmái ahte sáhtii veahkehit sihke iežas ja earáid
mávssu ovddas. Zare válddii dakkaviđe vuostá sin bálvalusaid ja
gazzagođii sis oahpu. Son ii jearran gos sii bohte. Dasto sii oahpa-
hedje sutnje buot maid noaidi berre diehtit ja máhttit. Son šattai okta
dain gievrramus noiddiin buot iežas bargguin ja máhtii doaimmahit
sihke bahá ja buori nu olu go dáhtui, muhto son vajálduhtii sávvat