Báhtegáhkku
- 1 dii 20 min
- 4 jorba gáhku
Reaiddut:
- Lihtarmihttu
- Teadjabaste
- Čáhceglássa
- Borranbaste
- Gáibbeš dahje gievkkanmašiidna oktan fironiin ja bolluin
- Lihttebassansihkaldat
- Beavdeniibi
- Gáhkkenbábir
- Ommanstážžu
- Borrangáffal
- Dárjjaldagat
- Steikenrista
Borramušat
Báhtegáhkku
2,5 dl nisojáffut
2,5 dl roavva nisojáffut (fiidnát millejuvvon)
½ busse goikejeasta
1 tb sálttit
1 bb sierát
2 dl loika čáhci
Nisojáffut dulbemii
Daga ná:
- Leavnne bollui jáffuid, goikejeastta ja sálttiid, ja fiero veaháš borranbasttiin vai seahkánit.
- Suddat sieráha loika čázis, fiero borranbasttiin dassážii go buot lea suddan.
- Njorre sierátčázi jáffoseaguhussii, ja soatkka dáiggi. Geavat juogo gáibbeža, gievkkanmašiinna dahje soatkka gieđain.
- Govčča dáigebollu lihttebassansihkaldagain ja divtte dáiggi geavvat 20 minuhta.
- Botkal veaháš jáffuid beavddi ala ja gomit dáiggi dasa. Duhppe dáiggi. Jus darvánaddá gieđaide, váldde jáffuid gihtii ja duhppe eambbo.
- Juoge dáiggi njealji ovtta stuoru bihttái. Dulbe jorba, duolba, ½ cm asu láibbiid.
- Lebbe gáhkkenbáhpira ommanstážžovuđđui.
- Bija láibbiid ommanstáčču ala ja čuokko láibbiid borrangáffaliin.
- Bija fas lihttebassansihkaldaga vuollái geavvat 20 minuhta. Bonjas steikenommana liegganit 225 grádii.
- Go láibbit leat geavvan, bija daid steikenommanii, gaskaleamos dássái, ja steike 10-15 minuhta.
- Váldde láibbiid olggos ommanis (muitte dárjjaldagaid!) ja sirdde steikenristta ala čoaskut.