Buđetbánnogáhkut

  • 1 dii. 15 min
  • 7–8 gáhku

Reaiddut:

  • Viehkat

  • Garahanruovdi

  • Faskkonruovdi

  • Bollu

  • Lihtarmihttu

  • Firon

  • Beavdeniibi báistevudjii

  • Guksi

  • Báistebánno

  • Steikenspoađđu

  • Borramuštallearka

Borramušat

Buđetbánnogáhkut

400 g njuoskabuđet 
2 moni 
3,5 dl mielki 
½ tb sálttit 
4 dl bivgejáffut
Báistevuodja 

 

Daga ná: 

  1.  Garat ja faskko njuoskabuđehiid faskkonruvddiin.
  2. Seagut faskojuvvon buđehiidda moniid, sálttiid, mielkki ja bivgejáffuid. Dáiggi sáhtát njárbudit eanet milkkiin, dahje suohkudit eanet jáffuiguin. Dan galgá sáhttit njorret báistebánnui ja jođihit miehtá báistebánnovuođu.
  3. Báhkat báistebánno vuoššanpláhta alde, ja šolgat vuoja báistebánnos. 
  4. Goiste dáiggi báistebánnui ja jorat nu ahte dáigi háddjana. Báistte dassážii go gáhkku lea stirdon, jorgal gáhku steikenspoađuin ja báistte nuppi beale. Lokte gáhkuid steikenspoađuin borramuštallearkka ala dađi mielde go gárvánit.
  5. Ovdal go goivet fas dáiggi báistebánnui, fertet vuoja šolgadit báistebánnos amas gáhkku darvánit vuđđui.

     

Guossot buđetgáhkuid spiinnebuiddiin (baconiin) dahje muorjemeasttuin.