Čuovžaguollegáhkut
- 40 min
- 4 olbmui
Reaiddut:
- Viehkat
- Biergofeardna dahje gievkkanmašiidna oktan bolluin ja cábaniin
- 2 bollu
- Gohkkenniibi
- Cáhpanfiellu
- Teadjabaste
- Borranbaste
- Gáibbeš
- Báistebánno
- Steikenspoađđu
- Borramuštallearka
- Bollu
- Gásterola
- Garahanruovdi
- Faskkonruovdi
Borramušat
Čuovžaguollegáhkut
00 g čuovžžacuohppa
2 tb sálttit
Bihpporat
1 bb buđetjáffut
1 bb cáhppojuvvon lávki
3 bb mielki
1 monni
Báistevuodja
Buđehat
¼ tb sálttit
Rušppit
Daga ná:
- Ráidne guolecuohpa, gaikko dávttiid ja čuoma eret.
- Bija guolecuohpa gievkkanmašiidnabollui ja divtte mollet moadde minuhta. Jus geavahat feartna, de fertet guolecuohpa guktii bidjat feartna čađa.
- Cába lávkki smávva bihttán.
- Seagut guolecuhppii sálttiid, bihpporiid, buđetjáffuid, cáhppojuvvon lávkki, mielkki ja moni. Fiero gáibbežiin nu ahte bures seahkána.
- Bija báistebánno vuoššanpláhta ala báhkkanit. Šolgat vuoja ja divtte ruškkodit.
- Goiste borranbasttiin guolledáiggi báistebánnui ja njuvddes bastevuođuin duolbbasin.
- Báistte guollegáhkuid moadde minuhta goappáge beale. Jorgal gáhkuid steikenspoađuin. Bajit daid borramuštallerkii dađi mielde go gárvánit.
- Doidde buđehiid golgi čázis. Bija gásterolii čázi, ¼ tb sálttiid ja buđehiid (garahuvvon dahje oktan garain). Divtte duoldat dassážii go dipmet. Iskka borrangáffaliin.
- Doidde ja garat rušppiid. Faskko rušppiid faskkonruvddiin bollui.