Suovaspasta
- 35 min
- 4 olbmui
Reaiddut:
- Gásterola
- Teadjabaste
- Lihtarmihttu
- Silli
- Viehkat
- Faskkonruovdi
- 2 bollu
- Gohkkenniibi
- Cáhpanfiellu
- Vilgeslávkenjuvddán
- Beavdeniibi báistevudjii
- Báistebánno
- Steikenspoađđu
- Gáibbeš
Borramušat
Suovaspasta
Pasta, omd. cellentani, dahje earálágan pasta
50 g vilgesvuostá
400 g suovasbiergu
½ lávki
½ vilgeslávkefanas
Báistevuodja dahje -olju
3 dl biebmolákca (matfløte)
½ tb sálttit
¼ tb bihpporat
Daga ná:
- Vuošša pasta páhka vuoššanneavvaga mielde. Páhkas boahtá ovdan man ollu pasta dárbbaša juohke olbmo nammii. Sille čázi eret ja divtte pasta orrut sillis.
- Faskko vilgesvuosttá faskkonruvddiin ja bija bollui.
- Cába bierggu, smávve lávkki ja njuvdde vilgeslávkki vilgeslávkenjuvddániin.
- Bija báistebánno vuoššanpláhta ala, ja šolgat vuoja báistebánnos.
- Báistte bierggu, lávkki ja vilgeslávkki vuojas 2-3 minuhta fierodettiin. Jus visot biergu ja lávki ii čága oktanaga báistebánnui, de šattat moatte lahkis báistit. Bija gárvves báistojuvvon biergguid ja lávkki bollui, ja de báisttát eambbo bierggu ja lávkki.
- Lasit biergoseaguhussii biebmolávcca ja divtte moadde minuhta duolddadit. Jus eai čága báistebánnui oktanaga buot, daga seamma ládje go 5. čuoggás.
- Botkkut sálttiid ja bihpporiid biergoseaguhussii.
- Seagut loahpas vuššon pasta, biergoseaguhusa ja faskojuvvon vuosttá bollui. Fiero várrogasat vai pasta ii moallan.