231
Kriminálafuolahus friddjavuođas
Ráŋggáštussii sáhttet čadnot sierra eavttut. Ulbmilin lea
hehttet ahte láhkarihkkut dahket ođđa ráŋggáštahtti daguid.
Oassin friddjavuođa sihkkarastimis sáhttá leat ahte son gii
lea dubmejuvvon, galgá bearráigehččojuvvot. Dan dahká
bearráigeahčči dahje gohcci gii goziha ahte láhkarihkku ii
daga ođđa rihkkumiid. Ulbmilin lea normála eallin. Danne
galgá son gii lea dubmejuvvon, beassat eallit friddjavuođas.
Servodaga fágabargit veahkehit su earret eará gávdnat
ássanbáikki, dahje ohcat sutnje skuvlasaji dahje barggu.
Servodatráŋggáštus
Servodatráŋggáštus lea dalle go dubmejuvvon olm
moš galgá bargat servodatlaš ávkkálaš bargguid
dan sadjái ahte čohkkát giddagasas dahje sáhkuid
máksit. Ráŋggáštus lea earálágan ráŋggáštusmálle
man máŋggas oaivvildit lea ávkkáleabbo servodahkii
ja vearredahkkái alcces. Servodatráŋggáštus bođii
2002:s servodatbálvalusa sadjái mii lei ásahuvvon
geahččalanortnegin Norgii 1980-logus.
Mo galgá ráŋggáštit nuoraid?
Jus nuorat (geat leat gaskal 15 ja 21 jagi) dubmejuvvojit
dahkan vearredagu, de geavahuvvojit eará ráŋggáštus
vuogit dan sadjái go čohkkát giddagasas. Muhto dalle ferte
leat vearredagu ráŋggáštusrámma leat vuollái jagi. Jus
nuorat dubmejuvvojit čohkkát giddagasas, de dahkko ollu
vai nuorat eai dárbbaš leat giddagasas ovttas vearrámus
vearredahkkiiguin. Jus ášši ii leat nu duođalaš, de dahkko
áššáskuhttinheaitta
, ovdamearkka dihtii jus dahkki lea
nuorra ja ii ge leat ovdal dubmejuvvon. Áššáskuhttinheaitta
mearkkaša ahte son ii áššáskuhtto.
Kriminála vuolleahki
Buot davviriikkain lea kriminála vuolleahki 15 jagi. Muhtun
riikkain leat geahččalan rievdadit dan, muhto eai leat ožžon
politihkalaš eanetlogu, eai Stuorradikkis eai ge Riikabeivviin.
fuoláhus:
omsorg
kriminálafuolahus:
kriminalomsorg
áššáskuhttinheaitta:
påtaleunnlatelse
