223
Kriminalitehta ja
ráŋggáštus
Dán oasis galggat oahppat
• mo lea kriminalitehta ovdánan servodagas
• vejolaš čilgehusat kriminalitehtii
• birasvearredagut
• ekonomalaš vearredagut
• ráŋggáštusa ulbmil
• ráŋggáštusvuogit
Mii lea kriminalitehta?
Kriminalitehta lea dagut mat leat otná beaivvi lágaid vuostá.
Dáid lágaid lea Stuorradiggi dohkkehan guhkes ja dárkilis
meannudeami maŋŋá.
Mii lea láhkarihkkun ja man láhkai iešguđet lágat galget
dohkkehuvvot, lea politihkalaš gažaldat man Stuorradiggi
mearrida ja čállojuvvo láhkan.
Vearredagut ja rihkkumušat
Dábálaččat sirrejuvvojit kriminalitehta ja láhkarihkkun
guovtti váldojovkui: vearredagut ja rihkkumušat.
Vearredagut leat duođaleamos láhkarihkkumat. Rihkku
mušat rehkenastojuvvojit unnit láhkarihkkumin main lea
ráŋggáštusrámma gitta guđa mánu giddagas. Rihkkumuš
lea omd. go gávppis liŋkala dahje livkala šuhkoláda dahje
suohkkopáhka. Stuorát suoládeapmi, degobiilasuoládeapmi
※
