227
Leat go mii riegádan skealbman – vai šaddat go mii
dađi mielde?
Lea váttis dadjat mii dagaha kriminalitehta. Leat máŋga ášši
mat ovttas váikkuhit olbmo bajásgeassimii. Sihke ruoktu ja
ustibat, skuvlavázzin ja asttoáigi leat mielde váikkuheamen
olbmo sosialiseremii ja makkár iešdovddu dat oažžu.
Dan lassin lea vel ahte juohke olbmos lea válljenvejolaš
vuohta. Vaikke olmmoš lea sosiála ráhkkanus, nu daddjon
boađusin iežas birrasis, de lea olmmoš maiddái iešráđálaš
sivdnádus. Mii sáhttit mearridit galgat go bargat riekta vai
boastut. Midjiide sáhttet earát váikkuhit, muhto loahpalaš
mearrádusaid dahkat mii ieža.
Dattetge lea váttis dadjat man ollu olmmoš ieš mearrida
iežas friddja dáhtuin ja man ollu biras váikkuha dasa. Makkár
mearkkašupmi árbbis lea, iešvuođat maiguin mii leat
riegádan, ja man stuorra váikkuhusat birrasis leat midjiide?
Mii lea sivvan go muhtumat dadjet ahte sii leat hirbmat
buorre biilavuoddjit go leat juhkan dahje gárremiin, ja earát
fas eai heivet dan goassege bargat?
Ná go mii jurddašit
vearredahkkiid birra?
Váikkuhit go dákkár
sárggasráiddut min oainnu
sin hárrái?
