221
ČIEKŊUDEAPMI
1 Gávdnojit máŋga áddejumi/ipmárdusa
das mii lea duođalaš vearredahku dahje
rihkus. Čále man ortnegis du mielas
vuolábeale vearredagut bohtet (bija
vuosttamuššan dan mii ii leat nu garra
vearredahku ja lohppii dan mii lea
vearrámus vearredahku)
– doaškalit muhtuma bealjevuollái
– biillain vuodjit juhkanvuođas dahje
gárremiin
– suoládit CD muhtun musihkka
gávppis
– luoitit meahccái riebaniid rieban
gárddis
– uhkidit skuvlaskihpára sealgádemiin
«jus it bargga...»
– geavahit lobihis persovdna
dovddaldaga
– elliid biinnidit
– golahit searvvi ruđaid iežas
dárbbuide
Čilge iežat vástádusaid
2 Čohkke áviissain vahkus buot ráŋggá
štusáššiid. Geavat skuvladávvala
ceahkkelanjas. Juogat artihkkaliid bajil
čállagiidda mat heivejit.
3 Vállje ovtta ášši maid leat gávdnan
nuppi bargobihtás dahje maid don
leat lohkan eará sajis. Bargga earáiguin
ovttas ja dramatiserejehket ášši.
4 Máŋga vearredagu eai dieđihuvvo goas
sege politiijaide. Manne son dat lea nu?
Makkár áššit son dat leat? Manne son
olbmot daid háliidit čiegadit? Smieh
ta dieid birra ja válmmaš daid diga
štallamii.
5 Manne don jáhkát sii geat leat
giddagassii dubmejuvvon, dahket ođđa
vearredaguid? Manne leat albmát/
dievddut eanetlogus geat dahket
vearredaguid? Čále iežat oaiviliid.
6 Leat máŋga siva manne nuorat dahket
vearredaguid. Ja gávdnojit maid
máŋga oaivila mo servodat galggašii
dainna bargat. Vuolábealde gávnnat
cealkámušaid mat dan čájehit.
«Nuorat geat suoládit, galget dalán
dubmejuvvot»
«Váhnemat galget máksit mánáid
bilidemiid skuvllas.»
«Ieš vearredahkki galggašii deaivat su gii
vahágiid lea gillán.»
«Nuorra vearredahkkit galggašedje
oažžut servodatbálvalusa, gos gártet
bargat ja leat ávkin earáide.»
Čále lohkkiidčállosa áviisii mas don
gieđahalat dáid cealkámušaid.
7 Ráhkat ovdanbuktima mas don čilget
Norgga riektevuogádaga. Sáhtát
geavahit PowerPoint, rollaspealu,
seaidneáviissa, logaldallama,
áviisaartihkkala dahje illustrašuvnna.
8 Loga Áltá-stuimmiid birra kapihttalis:
Politihkalaš preassajoavkkut (s. 169-
171).
Lea go son dárbu guldalit iežas
oamedovddu ja jáhku dan sadjái go
lágaid ja politiijaid? Bealli ceahkis
galgá ráhkadit cealkámuša manne sii
leat Álttáeanu buođđudeami vuostá
ja nubbi bealli fas ráhkada áktora
ákkastallama.
