235
ČIEKŊUDEAPMI
1 Oza áviissain ovdamearkkaid mat namahit biras
vearredaguid Norggas ja olgoriikkain. Jáhkát go ahte
birasvearredagut leat «ođđa» vearredagut? Jus eai,
manne don jáhkát ahte dat leat easkka dál ožžon nu ollu
fuomášumiid? Ráhkat logaldallama daid dieđuid vuođul
maid leat čohkken ja maid leat jurddašan.
2 Čále mo du mielas sáhtášii olbmuid hehttet šadda
mis kriminálan. Válddahala olbmo eallima riegá
deamis, bajásšaddaneavttuin, skuvlavázzimis ja
bargovejolašvuođain. Váldde maiddái mielde mo
olbmuidgaskasaš oktavuođat sáhttet váikkuhit. Geavat
daid dieđuid go čálát lohkkiidčállosa.
3 Leat go jurddašan áššiid mat odne leat krimináladagut,
mat eai dárbbaš leat boahtte áiggis kriminálaáššin?
Leat go dus jurdagat makkár áššiid sáhtášii váldit eret
kriminálaáššiid joavkkus?
4 Datakriminalitehta lea ođđaáigásaš kriminalitehta.
Norggas lea dakkár ásahus go «Økokrim», mas lea sierra
data-krim-guovddáš. Makkár áššiid dutká dát guovddáš?
Oza dieđuid earret eará neahtas.
5 Geahčat statistihka mii čájeha suoládemiid, veahkaválddi,
gárrenmirkkuid áššiid ja johtolatrihkkumušaid maŋemus
20 jagi. Mearkko dieđuid maid oainnát statistihkain.
Ráhkat PowerPoint-ovdanbuktima fáttá birra. Dieđuid
gávnnat earret eará neahtas.
GUORAHALLAN
Albmát/dievddut dahket eanet vearredaguid go nissonat.
Muhto dál leat maŋimuš jagiin ilbman reportášat mat muitalit
ahte nieiddat leat váldán gánddaid/lunttaid veahkaválddi
vieruid. Oza ovdamearkkaid dakkár dáhpáhusain áviissain.
Gávnnat go vejolaš sivaid dasa?
