242
Doppe gos unnán mánát vázzet skuvlla, de leat erenoamážit
nieiddat geat eai beasa skuvlla vázzit. Dan láhkai manahit
vejolašvuođaid dohkálaš eallimii.
ON ja eamiálbmogat
Golggotmánu 24. beaivi lea ON-beaivi. Miehtá máilmmi lea
dát beaivi šaddan riikkaidgaskasaš oktasaš ávvudanbeaivin.
Globaliseren lea dahkan máilmmi unnibun. Danne lea ON
orgána šaddan otne ain eanet deháleabbon go dalle go dat
vuođđuduvvui jagi 1945.
Jagi 1982 ON vuođđudii bargojoavkku guorahallat máilmmi
eamiálbmogiid vuoigatvuođaid. Vásse 25 jagi ovdal go ON:a
váldočoahkkin viimmat dohkkehii
eamiálbmotjulggaštusa.
Dat dáhpáhuvai čakčamánu 13. beaivve 2007.
Victoria Tauli-Corpuz, gii dalle lei ON:a eamiálbmotforuma
jođiheaddji, dajai ahte julggaštus lea dehálaš neavvu ovd
didit buriid oktavuođaid eamiálbmogiid ja stáhtaid gaskkas.
Eamiálbmotjulggaštus dagaha dan ahte 370 miljona eami
álbmoga miehtá máilmmi ožžot buoret suodjalusa gáhttet
vuoigatvuođaideaset, earret eará gáhttet ja ovddidit gielaset
ja kultuvrraset.
Namibia san-álbmoga
mánát skuvlalanjas, govve
juvvon 1990-logus (Aage
Solbakk govven). Skuvla lei
aiddo ožžon ođđa bevddiid
ja stuoluid, muitalii oahpa
headdji čeavlájit. Govas
oaidnit maiddái Lulli-Afrihká
TV-govvideaddji filbmemin.
