248
Čoahkkáigeassu
ON vuođđuduvvui geassemánus 1945 sihkkarastit
máilmmeráfi. Golggotmánu 24. beaivve 1945 doaibmagođii
organisašuvdna virggálaččat. ON galgá sihkkarastit máilm
meráfi ja lágidit riikkaid gaskii ustitlaš oktavuođaid. ON
galgá ovddidit oktasašbargguid álbmogiid gaskii vai čoavda
šuvvojit ekonomalaš, sosiálalaš, kultuvrralaš ja humána
váttisvuođat.
Jagi 1948 dohkkehii ON Olmmošvuoigatvuođaid máilm
mejulggaštusa (olmmošvuoigatvuođajulggaštus) mii galgá
sihkkarastit buohkaide olmmošvuoigatvuođaid. Dan lassin
gávdnojit siviila ja politihkalaš vuoigatvuođat ja ekonoma
laš, sosiálalaš ja kultuvrralaš vuoigatvuođat. Gávdnojit maid
sierra mánáid- ja nissonvuoigatvuođat.
ON ii leat militeara organisašuvdna, muhto das leat leamaš
ráfibisuhan veagat 1948 rájes (Gaska-Nuorti). Norga searvá
operašuvnnaide maid NATO lágida dahje jođiha.
GAŽALDAGAT
1 Goas dohkkehuvvui olmmošvuoigatvuođajulggaštus?
2 Makkár doaimmat leat ON:s?
3 Mii lea olmmošvuoigatvuođajulggaštusa ulbmilin?
4 Goas vuođđudii ON:a ráfibisuhan veahka?
