Buoridit skuvlla oahppobirrasa

Sámi servodat dárbbaša máhtolaš mánáid ja nuoraid geat leat oadjebasat ja geain lea nana sámi iešdovdu ja positiiva iešgovva

Danne gánnáha geavahit ollu áiggi ja resurssaid bargat skuvlla psykososiála birrasiin ja hukset ja nannet buori oahppobirrasa. 

 Dalle galget buohkat skuvlabirrasis: 

Praktiseret nollatoleránssa
Ii oktage galgga dohkkehit loavkideami ja mobbema ja galgá dalán reageret dasa. Dat mearkkaša ahte buotlágan loavkideapmi ja mobben galgá dastán čielgasit ja konsekveanta bissehuvvot.
DIEHTIT MII LOAVKIDEAPMI JA MOBBEN LEA
Buohkat galget diehtit mii loavkideapmi ja mobben lea, mo dat doaibmá ja makkár váikkuhusat das leat.
Oahppat loavkideami ja mobbema birra miehtá skuvlajagi
Loavkideami ja mobbema ferte čalmmustahttit dávjá. Dan birra ferte ságastit, lohkat, čállit, digaštallat, hárjehallat sosiála gálggaid miehtá skuvlla jagi.
Hukset lagas ja nana relašuvnna juohke oahppái
Jos oahppis galgá leat buorre dilli skuvllas, de son ferte vásihit ahte oahpaheaddji liiko sutnje, oaidná su ja veahkeha su.
Máhttit čielga bissehanstrategiija
Skuvla bargit galget hárjehallat bissehanstrategiija vai dihtet maid sii galget bargat go mobben fuomášuvvo.
Previous
Next

Go dákkár bargovuogi álggahehket ja čuovvubehtet, de lehpet ovddidišgoahtán skuvlla mas

Lea buorre jođiheapmi

mii oppa áigge bargá buoridit oahppobirrasa ja mas leat buorit rutiinnat mobbema fuomášit ja bissehit.

ceahkijođiheapmi áŋgirit bargá

hukset ja nannet ohppiid ja oahpaheaddji-relašuvnnaid.

Leat positiiva

ohppiidrelašuvnnat ja kultuvra mii ovddida oahppama ohppiid joavkkus.

leat buorit relašuvnnat

váhnemiidda ja ovttasbargu singuin.

(Oahppodirektoráhta meroštallan) 

ođđaseamos dutkanbohtosat

Mii leat danne dás ođđaseamos dutkanbohtosiid vuođul ráhkadan bagadusa dasa maid oahpaheaddjit, rektor, oahppit ja váhnemat sáhttet dahkat bissehit ja eastadit mobbema ja váikkuhit buoridit skuvlla oahppobirrasii. Lassin gávdnojit oahppanresurssat dego evttohusat rutiinnaide, teavsttat spealut/drámá, filmmat ja skovit. Oahpponeavvu lea ráhkaduvvon fágaođasmahttima (ML20S) bajit oasi, oahpahuslága 9A ja mánáid vuoigatvuođaid vuođul.

Du geatnegasvuohta

Muitte! Dus lea lága bokte geatnegasvuohta bissehit loavkideami ja mobbema (§ 9A – 4). Muittut ohppiid ahte sii álo galget dieđihit muhtin rávisolbmuid jos mobbejuvvojit dahje fuomášit loavkideami ja mobbema skuvllas. Dieđihit mobbema ja loavkideami rektorii ii leat šláttardeapmi, dat lea geatnegasvuohta.

Fuomáš! Mii leat válljen geavahit doahpaga mobben go dat lea oahpes sajáiduvvan eaŋgals doaba mii maiddái geavahuvvo dárogielas.

Mii sávvat dát šaddá ávkin didjiide ja dehálaš bargui!​

Lukk meny