26 / 134
26
Tjaalehvuekieh
vuekiej jih sosijaale njoelkedassi vööste – guktie siebredahken sådta
rassjine sjædta ihke suelede, gielkerde jih båvva, jih ij guktie gænnah
kultuvren dåajmijes vuekieh seatedh. Læhkoes jalhts maaje veerehks
dellie jåabjoe aaj, guktie gåarede dam neerredh.
Iemiealmetjh dagkerh heamtuvrh soptsestieh lustestallemen gaavhtan,
mohte aaj leerehtimmien sienten. Dållen bijre tjahkan soptsestalleminie,
vuj maanide leerehtidh jih mujhtiehtidh jiermegs jih dåajmijes årrodh.
Siejhme dagkarinie heamtuvrisnie trickstere lea vaanterdeminie, mij
joem deahpede, jih dihte jis trickstere barre jåabjoelaakan vuj båastoeh
dåemede guktie minngemes dellie lustes-laakan vuj isveligke goerpede.
Nimhtie hov almetjh tricksterijstie lierieh, negatijve vuesiehtimmijste,
guktie edtjieh buerebe bearkadidh. V.g saemieh dagkerh soptsestim
mieh utnin mah buerkiestin; guktie edtja dållem eensi biejedh; ahte
tjoevere eensi gåetiem ryöjredh daelvien åvtelen; ahte tjoevere sjeavohth
årrodh göölemisnie, jnv.
Jöömmetji-sealoe
Muvhth tricksterh vååjnoeh göökte joekehth almetji meanoeh aktine.
Akte bahhas bielie jih akte buerie. Åarjel-Amerijhkesne soptsestieh
trickstere-jöömmetji bijre, jih eevre guktie saemiej heamtuvrine Njaevies-
ietnien jih Hatsves-ietnie bijre, dihte akte barre irhkele jih stadtjoe
steallede, mohte dellie læjhkan minngesne gujhth hijven gåarede gosse
dihte mubpie sov boerehks mieline vitnie. Bene dah jis tricksterh mah
utnieh jöömmetji-sealoeh daamtaj leah guektien-tjoelen aaj, guktie
ålmaj jis maahta nåajsan sjidtedh jih baersieldidh.
Daaletji iemiealmetji lidteratuvresne gååvnese jijnjebh tjaelijh mah leah
trickstere-heamtuvrijstie eatjaldovveme, nov goh Paula Gunn Allen,
Louise Erdrich jih N. Scott Momaday, Amerijhkeste. Mary Ailonieida