29 / 134
29
Tjaalehvuekieh
Vaajesh jih vuelieh
V
aajesh leah gujhth stööremes boelhkem daaletji saemien lidte
ratuvresne. Saemien tjaelijh kaanne utnieh dihte vaajese, vuj
tjiehtese, vuelien haamoe mujhtehte. Nimhtie badth saemien
njaalmeldh aerpievuekie vijriebasse guedteme tjaelemen tjirrh, jalhts
nov vuelie mahte dåssjani daaroedehtemen nuelesne jih kristelesvoeten
biehtedimmeste.
Jijnjemes saemien vaajestæjjah aaj leah gaavneme vuekiem jijnjebelåhkoen
politihkem vuastalidh vaajesi tjirrh. Åenehks raajesi gujmie, baakoeh
maehtieh saajrohth domtesh buektedh, aejvierdimmiem tjielkestidh,
måeriem döömedh. Seamma vuekien aaj gåarede aavoem jih gieriesvoetem
olkese buektedh. Veele seamma guktie joejkijh jiehtieh vuelien bijre.
Joejkemen bijre
Båeries åarjelsaemien aajja, man nomme Kristoffer Sjulsson, hov nimhtie
joejkemem buerkiesti naan daaroen dotkijasse:
«Joejkedh – hov lea vuelieh laavlodh, dah leah laavlomh mah saemieh vaajes
tieh. Dah laavlomh leah almetji, juvri, vaeriej jih jaevriej bijre. Dagkarine laavlo
misnie lååvlije melodijen tjirrh buerkeste guktie åtna naan almetje lea, vuj
guktie naan aate lea, jih aaj jijtse damtesh dan almetjen muhteste, vuj mojhtesh
mah leah gåaskoehtamme gosse dastege naan almetjem vuj aatem måjhtije.
Vuelieh hov leah iktesth itjmies aajmojne lååvlesovveme. «Almetje guhte jijnje
joejkeste jih tjööreste, dihte hov bueriesjugnedamme», akte saemienbaer-
nie ikth jeehti. Daejtie vueliej gujmie buerkeste gieriesvoete jih soelkedim-