31 / 134
31
Tjaalehvuekieh
Aejverde
Jaavoelamme jeeluve sijth
Sijti gaskem baalkah suvvielamme leah
Otnerassen duedtie haajhpan eajtode
aernhsijjieh eah gojkoe vååjnh
Laevie, mejtie mah vuajnah vaeride?
Eatneme barre goh domtoe aejverde
Njiemesjh spaenjieh vååjnoeh giknjeldieh
Vaajjan johke ij gujht aavodh goh
Ammes guejmien faamoe tjuedtjele
eatnemen vaajmoe baektjede
Durrien johkh jeatjah otnjegem vualkeme
Ruevtiemasth barsjine råavtasjieh
Guktie laevie, monnen mænngan tjelmieh vuejnieh
Geajnoeh doeh vaeriegaskem vijtjeldieh
Ammes guejmieh vaerieh vaalmerdieh
Tjoeverh sån tjihtedh gie viesjebe lea.
Nils-Aslak Valkeapääen beagkoes vaajese-raajroe
Ruoktu váimmus
(1990),
Mov veasoe lea mov vaajmosne
(2005), lea dagke teeksteboelhketje
mij saemien daaletji lidteratuvresne veartenen mietie maaje guhke
mes jåhteme, jih almetjh dijpeme gaajhkene lehkesne. Jih daennie
teestine jis bihkede seamma rijtemem goh jijnjebh iemiealmetjh abpe
eatnamisnie damteme jillieveartenen eeke-njaahtjoen jih diedtelgim
mien nuelesne. Guktie eatnemem kriebpesjamme jih njammeme, garre
kontrastine iemiealmetji vuekiem eatnemem giehtjedidh, eevre goh
sliekten jih gieries laevien vööste galka dåajmijeslaakan eatnamisnie
årrodh. Nils-Aslak jis altese viellem, åabpam gihtjie /
Maam edtjem
jiehtedh vielle/ maam edtjem jiehtedh åabpa
/ , lohkh abpe tjiehteseraaj