110
Go ráđđehus vuolggaha ášši, de dábálaččat nammadit
sierra lávdegotti mii galgá čielggadit ášši. Ášši vuođul
almmuhit Norgga almmolaš čielggadeami (NAČ). Dasto
meannudit departemeanttat ášši. Ráhkadit proposišuvnna
dahje dieđáhusa Stuorradiggái. Ráđđehus meannuda
proposišuvnna dahje dieđáhusa stáhtaráđis ja evttohit dan
Stuorradiggái.
Stuorrádiggi sádde sihke stuorradiggeáirasa evttohan ášši
ja ráđđehusa evttohan ášši lávdegoddái mii bargá dainna
áššesurggiin. Stuorradikkis leat otne 12 fágalávdegotti
(2009-2013). Lávdegoddi meannuda ášši ja ovddida mearrá
dusevttohusa Stuorradiggái. Lávdegotti mearrádusevttohus
oktan unnitlogu lassimearrádusevttohusain ovddiduvvo
Stuorradiggái. Digaštallan mii das vuolgá, gohčoduvvo
namain
stuorradiggešiehtadallamat
. Iešguđet bellodagat
ákkastallet sin oainnu áššái ja geahččalit ákkastallat nuppiid
bellodagaid oainnuid vuostá. Stuorradiggeáirasat šiehta
dallet earret eará dakkár áššiid birra:
•
Mo sáhttá Norga buoremusat láhčit dili sámi álbmogii vai
sihkkarastet ja ovddidit gielaset, kultuvrraset ja servodat
eallineaset?
•
Ollu šaddá máksit stáhtii dáid doaimmaid gokčat?
•
Makkár doaibmabijuid doarjut?
Geassemánu 14. beaivve 2011 evttohedje
njeallje Ovddádusbellodaga stuorra
diggeáirasa ođđa ášši Stuorradikkis. Ášši
meannuduvvui čuovvovaš láhkai:
1.
Evttohus
Ovddádusbellodat evttohii ahte Norga
geassáda ILO-konvenšuvnna nr. 169:s,
loahpahit Sámedikki, fámuhuhttit finn
márkolága ja loahpahit sámegiela háldda
šanguovlluid.
Stuorradiggi sáddii ášši gielda- ja háldda
šanlávdegoddái.
2.
Meannudit lávdegottis
Gielda- ja hálddašanlávdegoddi oaččui
ášši Stuorradikkis. Lávdegoddi mearridii
ávžžuhanáigemeari golggotmánu 19.
beaivve 2011. Lágidedje maiddái rabas
gulaskuddama golggotmánu 27. beaivve
2011. Rabas gulaskuddamii bovdejedje
áššeguoskevaččaid, earret eará bovde
juvvojedje Sámediggi, Sámeráđđi, Norgga
Sámiid Riikkasearvi, Gáldu, Norgga Boazo
sápmelaččaid Riikkasearvi ja «Norsk
senter for menneskerettigheter».
Evttohus loahpahit Sámedikki
