Sápmi ja máilbmi
80
Gažaldagat
Oza teavsttas vástádusaid gažaldagaide
1
Goas álge noiddiid oaguhit dahje doarridit Sámis?
2
Manne ledje nissonat geat eanemusat šadde gillát
noiddiid oaguheami?
3
Makkár jápminduomu ožžo noaiddit?
4
Manne álggahuvvui rihppaskuvla?
5
Maid galge oahppit oahppat rihppaskuvllas?
Bargobihtát
1
Prošeaktabargu: Válljejehket muhtin girkuid Sá-
mis. Ohcet dieđuid girkuid birra ja dutket goas dat
leat huksejuvvon. Sáhttibehtet sárgut, čállit ja dah-
kat seaidnepláhkáha.
2
Čuovvot muhtin ipmilbálvalusa din lagas girkus.
Váldet oktavuođa báhpain ja bivdet su muitalit daid
sierranas osiid birra girkus. (Álttár, álttárgovva, ált-
tárriekkis, girkostivli, doaresgirku, koarra, skiipa,
gásttalihtti, sárdnestuollu, searvegoddi, luhkkár, gir-
kobálvá, dulka, čuojaheaddji ja eará)
3
Ohcet eambbo dieđuid noiddiid oaguheami bir-
ra giehtagirjjiin, interneahtas, eará oahppogirjjiin,
máinnasgirjjiin ja girjerádjosis. Ráhkkanehket Power
Point ovdanbuktimii ja logaldallet earáide ceahkis.
