Sápmi ja máilbmi
78
Rihppaskuvllas
Lea čakča ja fargga rihppaskuvla. Suohkana rihppa
skuvlaoahppit čohkkájit báhpa orrunlanjas. Sii vurdet.
Do boahtá Máret mojunjálmmiid. Son lei ožžon
čáppa girjji ja ollu rámi. Son boagusta ja hálešta
nieidaskihpáriidisguin. Geahčastaddá duollet dálle
gánddaide. Máret lei juo ollesšaddan nieida. Geahpas
ja friddja. Buohkat dihte ahte gili jábáleamus ja buo
remus boaresbárdni, Jovnna irgalii sutnje. Son gal fer
tii leat ilus.
Uvssa luhtte čužžo muhtin gánddat ja nieiddat geat
eai lean beassan rihppaskuvlii. Ovtta gánddas ledje
julggiin áhčis gápmagat ja čeabehis eatnis liidni. Son
čierui bahčagit: -Ipmil árpmit, mun in duostta šat
ruoktot mannat.
Nubbi gánda smiehtai ahte beare fal sus jerret Jovs
seha birra, dahje gásttašeami birra. Dahje Saul birra,
dahje báhkkomiid birra, de manná bures. Dalle son
beassá. Son lei ain lohkamin ja geahččaladdamin go
čurvo su sisa boahtit.
Goalmmát smiehtai báhpa birra, gii lei dakkár bures
sivdniduvvon olmmoš, ja gii nu bures dovddai su áhči.
Ja, de smiehtai skuvlahoavdda birra, ja Ipmila birra gii
lei nu veahkkái ja lei veahkehan ollugiid ovdal. Dasto
son smiehtai eatni ja áhči birra geat ruovttus rohka
dalaiga su ovddas. Buot dát vissásit galge veahkehit su.
