11 / 172
11
Luondduealáhusat
Sámit leat luondduálbmot. Dat mearkkaša ahte sii leat álgo-
áiggiid rájes oahppan iežaset luondduguovlluin
atnit ávkki
.
Luonddus leat viežžan sihke biepmu, biktasiid ja ávdnasiid
maid dárbbašedje. Borramuššan ledje sin guovlluid eallit,
guolit, lottit, muorjjit ja šattut. Biktasiid dahke elliid náhkiin,
ja ávdnasiid dahke muoras, ruohttasiin, čorvviin, dávttiin,
ulluin ja geađggis.
Boazodoallu lea erenoamáš ealáhus maid dušše sámit ja eará
davviguovlluid eamiálbmogat hálddašit ja máhttet. Dat gávd-
no dušše davviguovlluin. Dađistaga leat luondduealáhusat
rievdan ja heivehuvvon otná eallinvuohkái. Luondduealáhu-
sa bargiin ferte leat stuorra beroštupmi ja dáhttu bargat ealá-
husas. Muhtimat oahppagohtet ja hárjehallagohtet mánnán
jo bargat ealáhusas. Dán láhkai sii sáhttet ealáhusa fievrridit
bures ja
máhtolaččat
.
atnit ávkki
ávkkástallat
máhtolaččat
čehpet
Boazodoallu lea sámi luondduealáhus.