17 / 172
17
Sámi servodat rievdá
Juohke servodat rievdá. Dan dahká maiddái sámi servodat.
Sámi servodat mii álggus lei, ii leat seammalágan go dat sámi
servodat mii otne doaibmá. Dat lea rievdan ja dađistaga ain
rievdá, muhto datte bistá.
Servodat rievdá danne go servodahkii bohtet ja riegádit ođđa
olbmot ja jurdagat. Sii ovddidit ođđa eallinvugiid ja hutket
ođđa reaidduid ja teknologiija. Muhtimat ohcet amas servo
dagaid. Doppe
servvoštallet
eará álbmogiiguin ja ohppet
ođđa vieruid ja dábiid. Sii heivehit ođđa vieruid ja dábiid
iežaset eallindillái. Maiddái amas guovlluin bohtet olbmot
Sápmái ja ohppet sámegiela, duddjot, juoigat ja sámiid kul
tuvrra dovdat. Nu rivdet sámegiella, sámi kultuvra, duodji,
luođit ja oba sámi servodat. Dat lea áibbas lunddolaš.
Muhtimat ballet ahte sámegiella, sámi eallinvuogit ja
sámi
árbevirolaš máhttu
jávket. Jos sámit beroštit sámi
servodaga iešvuođaid ealáskahttimis ja ovdáneamis,
de dat eai jávkka, muhto rivdet ja
ođasmahttojit
.
Identitehta ja kultuvra
Olbmuid ovttastallan dahká servodaga, muhto
juohke olbmos leat su
iešvuođat
ja su iežas oaivilat,
beroštumit ja doaimmat dan servodagas.
Gii lean mun? Leat go jurddašan dan birra gii don leat? Don
leat erenoamáš, ja ii oktage máilmmis leat nu mo don. Ii
oktage leat vásihan juste dan seammá go don, ja ii oktage
leat riegádan seammá iešvuođaiguin go don.
servvoštallet
ovttastallet
árbevirolaš máhttu
máhttu mii lea čuvvon sá
miid don doložis. Sámit leat
dan oahppan máttuin.
ođasmahttojit
šaddet ođđa
iešvuođat
makkár olmmoš lea: viššal,
doaimmalaš, jođán, šiega,
somá, sosiála, liekkus