22 / 172
22
Čoahkkáigeassu – Sámi servodaga váldoiešvuođat
Sámi servodat lea
bieđganan
viiddis guovlluide, ja sii leat
eamiálbmogat sihke Norggas, Suomas, Ruoŧas ja Ruoššas.
Jos vel leat ge bieđganan njealji riikii, de sis leat muhtin
oktasaš váldoiešvuođat mat gávdnojit dušše dán servo-
dagas. Ahte sámit leat eamiálbmot, sámi luondduealáhusat,
duodji, luohti, luondduosku ja sámegiella leat sámi servodaga
váldoiešvuođat. Dat leat čuvvon olbmuid eallima dološ
áiggiid rájes, ja dat leat rievdan servodaga rievdadusaid
mielde.
Sámi servodat rievdá
Buot servodagat mat dál doibmet, leat ealli servodagat, ja
danne dat rivdet. Sámi servodat lea ealli servodat gos leat sá-
mit geat smihttet, ohppet, jurddašit, árvvoštallet ja digaštallet
ja deaivvadit earáiguin. Danne dat maiddái rievdá. Politihk
kárat ja olbmot geat beroštit sámi servodagas, leat mielde
ođasmahttimin
ja
ealáskahttimin
sihke duoji, luonddu
ealáhusaid, luđiid, teknologiija ja sámegiela dađe mielde go
servodat rievdá. Dalle dat maid rivdet ja bissut boahtteáigái.
sámi servodaga váldoieš
vuođat
iešvuođat muitalit mo sámi
servodat sierrana eará servo
dagain
bieđganan
hádjanan
ođasmahttimin
dahkat ođasin
ealáskahttimin
boktit geavahussii fas
ovttastalat
leat ovttas