15 / 172
15
Luohti ja juoigan
Juoigan lea erenoamáš sámi
musiserenvuohki
mii ii gávdno
eará servodagain. Olmmoš gii áigu oahppat juoigat, ferte
oahppat sus gii dan máhttá. Luohti lea dego biegga dahje
árja
mii boahtá ja manná, ja das ii leat álgu ii ge loahppa. Dat
boahtá sutnje gii juoigá, ja jávká fas. Juoigit juiget muitalu-
said, olbmuid, elliid dahje
luondduguovlluid
. Das sáhttet
leat sánit ja
dajahusat
, muhto eai álo leat.
Muhtin luođit leat hui boarrásat ja son gean juoigá, sáhttá leat
áigá jo jápmán. Sánekeahtes luđiin sáhttá dovdat morraša,
ilu, movttetvuođa, vaši dahje ráhkesvuođa. Dál ollu juoigit
ja musihkkárat seaguhit árbevirolaš luđiid
čuojanasaiguin
ja eará
musihkkašlájaiguin
.
musiserenvuohki
vuohki mo musihka dahkat ja
ovdanbuktit
árja
energiija
luondduguovlluid
guovlluid luonddus, omd.
vuopmi dahje johka
dajahusat
sánit, teaksta, cealkagat
čuojanasaiguin
juoga mainna čuojaha, omd
gitára dahje njurggonas
musihkkašlájaiguin
musihkkavugiin omd. rock,
jazz, country, viissat, lávla
gat
Nils Rune Utsi seaguha luođi ja ráppema.