10 / 172
10
Buot servodagain leat muhtin iešvuođat mat eai
gávdno eará servodagain. Sámi servodagas leat
muhtin iešvuođat mat eai gávdno eará servodagain.
Sis leat iežaset árbevierut, eallinvuogit, giella ja his-
torjá. Dan dihte go sámi servodagas leat uhccán
olbmot ja go sii leat gullevaččat njealji riikii, de
muhtimat ballet ahte árbevierut, eallinvuogit ja
giella nohket ja jávket. Davviriikkaid
eiseválddit
leat
ásahan
sierra lágaid ja njuolggadusaid mat
suodjalit sámi eallinvugiid ja árbevieruid, vai dat
eai noga ja jávkka.
Sámit – eamiálbmot
Sámit leat Davviriikkaid ja Eurohpá áidna eamiál-
bmot. Eamiálbmot leat olbmot geat ásse muhtin
geográfalaš guovllus ovdal go eará álbmogat boh-
te. Sii leat guhkes áiggiid čađa ovddidan iežaset
eallinvugiid, birgenlági, servodagaid ja kultuvrra.
Dađistaga
ásaiduvve
eará álbmogat ja válde fámu
sin guovlluid badjel. Amas álbmoga
eiseválddit
bággejedje sámiid iežaset oskku, giela ja dábiid
guođđit. Dasa lassin vel válde sámiin eatnamiid ja
guovlluid ja gohčodedje daid sin. Dát gohčoduvvo
koloniseremin, ja dat lea dáhpáhuvvan ollu eará
máilmmi eamiálbmogiidda maiddái.
Sámit dovdet
historjjálaš joavkooktavuođa
iežaset
searvevuhtii ja kultuvrii. Sis lea eará giella ja kultuv
ra go sis geat dál ráđđejit dáid riikkain. Sii vigget
ealáskahttit, doalahit ja ovddidit
máttuid
kultuvrra
ja giela. Ollugat leat koloniserema geažil massán gie
laset, identitehta, ja eatnamiid ja daid riggodagaid.
eiseválddit
sii geat mearridit riikkas
ásahan
bidjan, mearridan
ásaiduvve
bohte ja orrugohte
historjjálaš
dološ áiggiid rájes
joavkooktavuođa
gullevašvuođadovddu
máttuid
sii geat leat min guovlluin
eallán ovdal min
Eatnamis
eatnama láhkái