7 / 172
7
Servodatmáhttu
Mii fertet oahppat guhtet guimmiineamet. Mii han oainnat
buohkat leat ovttas dán máilmmis. Mii fertet oahppat guhtet
guimmiineamet ja veahkehit guhtet guimmiideamet. Jos mii
eat oahpa guhtet guimmiineamet eat ge veahket guhtet guim
miideamet, de leat dubmejuvvon.
Čurges Goaskin –
Grey Eagle – Ken Jackson. Davvi Amerihká álgoálbmogiidda
gullevaš.
Servodatmáhttu lea máhttu dan servodaga birra gos mii eallit,
ja mo mii galgat láhčit dili nu ahte sáhttit eallit soabalaččat
ovttas. Mii leat buohkat miellahtut iešguđet servodagain.
Danne lea dehálaš ahte mii háhkat dieđuid daid birra. Mii
dárbbašit ságastit ja gullat earáid oaiviliid servodaga áššiid
birra. Muhtimin mii dárbbašit lohkat áviissaid, neahttasiid-
duid ja girjjiid dahje geahččat TV ja guldalit radio. Dalle mii
oahppat ja oažžut ođđa jurdagiid, ja sáhttit árvvoštallat mii
lea buoremus buohkaide.
Servodatmáhttu lea eambbo go máhttit ja diehtit. Servodat-
máhttu lea maiddái beroštit. Mii galgat beroštit alddámet, go
mii leat árvvolaččat, muhto maiddái galgat beroštit ja váldit
vuhtii earáid geaiguin mii eallit ovttas, go sii leat maid árvvo
laččat. Buohkain lea ovddasvástádus geahččat bearrái ahte sii
geaiguin mii ovttas eallit, dovdet oadjebasvuođa ja buorrevuođa.
Dán girjji servodatfága oasis beasat lohkat ja oahppat sámi
servodaga váldoiešvuođaid birra, identitehta ja kultuvrra birra,
media fámu, nuorravuođaáiggi, gárrenmirkkuid, neahttaser-
vodagaid birra ja dan birra mo máilmmi riikkat barget ovttas.