54 / 134
54
Tjaalehvuekieh
Vuelien aalkovisnie joejkije lea sov åssjalimmesne bååstide båateme dej
beeli gåetie-sijjesne jih gåmmebem mujhtije. Föörhkeldh bievsterisnie
joejkeste gåmmebe Aannam guhte lea gåetesne tjahkan, nuvhlieh nastehte
minie. Siejhme fierhtenbeajjetje guvvie, jih seamma sienten mujhtele
altese krievvie mij lea Åvlavuelesne jårreminie (Åvlavuelie lea vaerien
nomme gusnie bovtse gååte). Soeten våarome lea båatsoejieleme, daate
lea dej guaktaj, jih altese fierhtenbeajjetje veasome, gåmmebine ektesne
jih bovtsiluvnie lea Åvlavuelesne årroeminie. Jih govloe vihkeles sutnjien
krievviem veele buerkiestidh, eevre goh altese tjelmiej uvte jårreminie
gosse aalka geahkesohkem, råantjoej guelmieh ööhpehtidh.
Ovmese
mov lih raanhkh/.../saeltehke, jovjehke/tjuesehke, raantehke, saeltehke/
aalehke, raanhke,
guktie guarkajibie man åehpies fierhte krievve lea
sutnjien, jih vihteste man sjiehteles jih gyönegs båatsoekaarrine lea ikth
orreme. Båatsoe jih Åvlavuelien ålmajne årrodh lea altese identiteete, jih
joejkemen tjirrh, orre mediaen viehken, kanne lea nuepiem vuajneme
ektiemåjhtosne baetsedh, jih vijriebasse «jieledh».
Saemiej dovletji jaahkoe
Saemiej dovletji jaahkoen mietie almetjh barre jeatja aajmose vöölkin
goh jeemin. Jaame-aajmoste voejhkelin jielije sliektine soptsestalledh,
idtjin sijhth måjhtojste dåssjanidh. Juktie mearan annje jielije almetji
åssjalommesinie, dellie lin annje «jielieminie». Jaame-aajmosne ovrovne
guhkiem årrodh, daarpesjin viehkiem saemiej «paradijsese» båetedh
–
saajviaajmose
. Desnie maaje bovtse tjirkes, jih tjaebpebe, stuerebe
goh lin almetji eatnamisnie. Jih destie aaj maehtiejin jielije sliektine
råårestalledh viehkiehtidh.
Saajvi-aajmoe
lin dagkarinie aejlegs vae
rine, saajve-vaerine, nov goh dihte Åvlavuelie. Muvhth jaevrieh utnin
guektien-gierts betnie, jih dej jaevriej tjirrh almetjh aaj meehtin saajvi
aajmosne minnedh (lohkh Qvigstaden heamtuvre
Saemie saajvi
luvnie
teeksteboelhkesne).