59 / 134
59
Tjaalehvuekieh
Essaye
L
ea guktie bijjelen tjielkestim, daaroengieleste saemiengiele
se båateme. Ij leah dagke seamma sisvege daan sjangerasse
sveerjen raedtesne goh nöörjen. Mohte Nöörjesne buerkeste
giehtjedimmiepaehperem, studentelaavenjassem, vuj goerehtimmiem
mij galka vuesiehtidh ahte tjaelije maahta jijtje rontestalledh jih digkie
didh naan aamhtesem faagen vuekien. Mohte aaj maahta subjektijve,
persovneles årrodh – guktie ij leah seamma garre njoelkedassi nuelesne
goh v.g. artigkeletjaelijen (guhte tjoevere aamhtesem ovmese haereste
giehtjedidh jih digkiedidh). Essaye-tjaelije åådtje filosofihke, subjektijve
(jijtse vuajnoem tjiertestidh), jih aktede haereste aamhtesem digkiedidh.
Åehpies siebredahken-aamhtesh jih vuajnoeh lahtestidh. Essaye darh
kan kåserijem mujhtehte, mohte kåserije dagke buerebe njaalmeldh
haamose tjaekede goh essaye. Ihke buerebe sjeahta goltelæjjaj uvte loh
kedh, jijnjebe ironije, murreds giehtjedimmieh, mohtedimmieh åtna,
jih muvhtene aaj siebredahkejielemem lievsie.
Laavsedh
– gosse ironijine naan aamhtesem, politihken sjierevæhtah, siebredah
ken båastoevoeth, vuj barre byjjehks almetjen vuajnoeh lievsie, dellie maahta
aktuelle aamhtesen lyövlehkem gervedh, guktie ij ov man hujnies damta.