64 / 134
64
Tjaalehvuekieh
Jortehtidh
lea joekoen soptsestimmie-vuekie åarjelsaemien kultuvresne. Ij
leah eevre seamma goh metafovri gujmie soptsestidh, mohte jijnjebe tjeakoes
gieline soptsestidh.
Metafovre
lea mij joem jeatja baakojne laahtestidh, mohte buajkoes, åehpies
guvvie lea. V.g. gosse tjidtjie
maanebem
jijtse
gulline
gohtje.
Viertiedasse/Vierteds
Laahtese mij lea guvvine. Soptsese mij galka naan mo-
raale tjiertestidh, ööhpehtidh.
Jeesuse Saepmesne
vaanterdi
Saemieh aaj jijtsh soptsestimmievuekine soeth darjoejin Jeesusen bijre.
Maa guktie Jeesuse lij dej beeli vaanterdeminie saemiej eatnamisnie, jih
guktie vijrh, sjædtoeh sjiehtesji. Akte soete mij lea joekehth dajveste
dajvese soptseste guktie duvrie åadtjoeji vadtesem, daelvege åeredh.
Mubpie soptseste guktie Jeesuse brorkem unniedi. Mubpie soptseste
guktie Jeesuse gaahtsehke båanta-iemedem bæsvoji. Gåmma lij tjåad
tjoeminie laejpieh bååhkesjeminie goh Jeesuse bööti gihtji laejpeste
åadtjodh. Bene onne bæhtam åadtjoeji. Mohte gosse Jeesuse dam onne
bæhtam stoerre gaahkojne dorje, dellie gaahtsehke gåmma satnem
bielhkede sæjhta gaahkoem bååstide åadtjodh. Dellie Jeesuse satnem
moeretsåelhkine darjoeji, edtji ihkuven aajkan moeride tsåalhkodh,
beapmoe ohtsedidh. Annje dam ledtiem vuajnah mijjen boeltine,
råhtojne, jih sov lea dam rööpses tjohpe aajmone.
Maam vienhth moraale lea dagkarinie soetine?
Lohkh boelhketjem biernen bijre, jih giehtjh mejtie gaavnh naan meat
fovrh, viertedsh, jorth-baakoeh. Maam soptseste?