Ovttas - Oskkoldagat ja eallinoaidnu - page 44-45

hinduisma
42 43
Hinduisttalaš
Riegádeapmi
Go mánná riegáda, de lea stuorra illu ja
ávvudeapmi. Sii sáhttet ávvudit
máná ovdáneami. Muhtimat ávvudit go
mánná oažžu nama, go vázzila ja vuosttaš
háve go borrá eará go čižžemielkki. Go
mánná lea jagi deavdán, de váldo báhpa
lusa. Báhppa de rohkadallá ja oaffaruššá.
Rohkadallan ja oaffaruššan gohčoduvvo na-
main puja. Dasto son čuohppá máná vuovt-
taid ja boaldá daid dolas. Dan sii dahket vai
siellu šaddá buhtisin.
Mánnávuohta
Go gánda šaddá 8–12 jagi boarisin, de
son galgá oahppat lohkat muhtin bassi
teavsttaid. Son oažžu árppu dahje bátti maid
son čatná gurut oalggi birra. Son oažžu
iežas mantra dahje rohkosa maid
son galgá dadjat juohke beaivvi.
Muhtimat ávvudit nieidda vuosttaš mánno­
dávdda. Dat mearkkaša ahte son lea šadda­
min nissonolmmožin. Earát fas oaivvildit
ahte nieida ii leat nissonolmmoš ovdal go
náitala.
Náitaleapmi
Náitin lea stuorra dáhpáhus buot hinduistta­
lač­čaid eallimis. Váhnemat gávdnet heivvo­
laš isida dahje eamida iežaset mánáide. Lea
vuohkkaseamos jos isit ja eamit gullaba
seammá servodahkii. Heajat sáhttet
bistit máŋga beaivvi. Headjaguossit
leat ollu, ja njálgga borramušaid sáhttá
návd­da­šit máŋga beaivvi. Moarsi ja irgi
leaba­čábbát čiŋahuvvon.
Jápmin
Go olmmoš jápmá, de su rumaš basso ja
gisso liinniid sisa. Hinduisttalaččat jáhkket
ahte olbmo siellu guođđá rupmaša, ja ahte
dat riegáda ođđasit ja šaddá olmmožin fas,
dahje ealibin. Buoremus livččii jos olbmo
siellu manašii albmái. Dalle dat ii dárbbaš
šat ođđasit riegádit. Go rumaš lea bas­
son ja gissojuvvon liinniid sisa,
de galgá bearraša boarraseamos
gánda cahkkehit dola ja rumaš
buollá gutnan.
geaŧus hávdái
Hinduismmas leat 16 iešguđetlágan ávvudeami eal-
limis. Eanaš hinduisttalaččat ávvudit dušše muhti-
ma dain. Mánná oažžu nama oktanuppelot beaivvi
maŋŋá riegádeami. Ovdal nuorravuođaáiggi gánd­
dat čađahit muhtinlágan rihppaskuvlla. Náittos­
heajat bistet máŋga beaivvi. Hinduisttalaččat bol­
det jápmán lagamuččaid.
Váhnemat leat váldán máná
hindubáhpa lusa. Báhppa
bures­sivdnida máná ja mánná
oažžu nama.
Rumaš buollá gutnan.
Hinduist­ta­laččat jáhkket ahte
siellu beassá friddja ja oažžu
ođđa eallima.