![]()
hinduisma
36
37
Bassi teavsttat
Hinduismmas leat máŋga bassi girjji.
Vedat
leat
boarraseamos čállosat ja mearkkaša
máhttu.
Vedas
leat bassi lávlagat. Muhtin girjjit leat dievva divttai-
guin, ja leat ollu muitalusat ipmiliid birra. Eará girjjiin
fas sáhttá lohkat mo galgá eallit ja mii lea riekta ja
boastut.
BhagavadGita lea lávlla mii muitala soalddáha
Arjun birra.
Arjun jođiha stuorra soahteveaga ja áigu soah-
tagoahtit. Son fuomáša fáhkka fulkkiidis vašálaččaid gaskkas.
Son eahpidišgoahtá lea go riekta soahtat ja goddit. Krishna
gohčču Arjuna čuovvut iežas barggu ja servodaga masa son lea
riegádan. Dat mearkkaša ahte lea dehálat čuovvut servodaga
njuolggadusaid go buohkaid njuolggadusaid.
BhagavadGita
Arjun lea gárvvis soahta
goahtit, muhto son háliida oktii
vel geahčastit vašálaččaidis
čalmmiide. Sii leat buohkat
gárvásat. Arjun gohčču
Krishna bissehit soahtejorri.
Dasto son vašálaččaid gaskkas
oinnii iežas oahpaheddjiid,
bártniid, ádjáid, áhkuid,
skihpáriid ja buot fulkkiid. Son
šattai morrašii ja celkkii ahte
su njálbmi goiká, rumaš njiedjá
čoahkkái ja vuovttat ceagganit.
Dávgi ja njuolla gahččá ja son
ii sáhte čohkket jurdagiid. Son
oaidná bahás ovdasaččaid.
Arjun cealká ahte son ii oainne
maidege buori das ahte son
goddá iežas fulkkiid soađis.
Krishna vástida Arjunii,
geas leat čalmmiid dievva
gatnjalat: Manne don leat
ná vuoimmehuvvan? Buorit
vašuhit du go don leat ná
geahnoheapmi. Dát ii doalvvo
du albmái.
Don leat gal jierbmái, muhto
moraštat maid it dárbbaš mo
raštit. Jierbmát eai moraš
ealibiid eaige jábmiid.
Jápmin lea vissásit sidjiide geat
leat riegádan ja riegádeapmi
sutnje gii jápmá. It don galgga
moraštit dan masa ii beasa.
Čuovo iežat geatnegasvuođa,
ja itge vuollán. Soalddát galgá
soahtat.
Hinduismma bassi teavst-
tat leat čállon sanskrit-
gillii. Sanskrit rehkenasto
máilmmi boarráseamos
čállingiellan.
Arjun, Krishna ja soahtejorri.
