![]()
hinduisma
40
41
Hinduisttalaččaid
Hindutempel
Hindutempel lea huksejuvvon dih-
to njuolggadusaid mielde.
Siskki
muččas lea váldoipmila latnja.
Doppe lea ipmilis govus dahje bázzi.
Dát latnja lea bassi. Muhtin tempeliin
leat dušše báhpat geat ožžot mannat
siskkimuš latnjii. Ipmilbácci bajábealde
lea alla doardna. Birra bassi lanja sáht-
tet leat guossit. Lea dábálaš tempela
hukset geađggis, go dat lea nanus.
Ollu olbmot ásahit maiddái bassi
báikki ruoktot. Dat sáhttá leat hildu
dahje beavdi gos sin ipmilgovvosat
orrot. Dás sii oaffaruššet ja rohkadallet
beaivválaččat.
Ipmiliid rohkadallan
Puja
gohčoduvvo hinduisttalaččaid
rohkadallan.
Rohkadallan sáht
tá čađahuvvot máŋgga vuogi
mielde.
Buohkat galget vuos basadit.
Ovdal go rohkadallan álgá, ferte bielluin
skálihit dahje eará láhkai fuomášahttit
ipmila ahte dál rohkos álgá. Sii molsot
ipmilgovvosiin biktasiid ja basset, bib
met ja oaffaruššet sidjiide. Biebmun
sáhttet leat šattut, riisa, niehtit, njálgo-
sat dahje mielki. Skeaŋkkat sáhttet leat
lieđit, ruđat, gintalat dahje eará čáppa
ávdnasat. Muhtimat lávlot. Maŋŋá
rohkosa sii borret dan maid ledje
oaffaruššan, dahje addet borramuša
olbmuide geat dárbbašit dan.
tempel
Hinduisttalaččaid tempel gohčoduvvo namain
mandir.
Buohkat galget nuollat gápmagiid ovdal
go mannet sisa. Eanaš hindutempelat leat hukse
juvvon dihto ipmila nammii. Tempel lea ipmiliid
dállu. Tempelis leat ipmilgovvosat hinduisttalaččaid
deháleamos ipmiliin. Báhpat sihkkot ja basset
ipmilgovvosiid, molsot dain biktasiid ja rohkadallet
daidda.
Hindutempel Mátta-Indias.
Rohkadallan. Ipmilgovvosat.
