55 / 172
55
ovttas. Mánát ožžot «ođđa» dahje lassi oappáid ja vieljaid.
Muhtin olbmot válljejit eallit okto.
Servodagas lea dábálaš ahte olbmot válljejit eallima mii sid
jiide heive buoremusat. Ovttaseallin gáibida ahte mii váldit
vuhtii guđetguimmiid dárbbuid, ja dohkkehit ahte mii leat
sierraláganat.
Juhánis leat guokte áhči
Juhán lea 11 jagi ja sus leat guokte áhči: Ovllá ja Piera. Juhán
lea adopterejuvvon. Dat mearkkaša ahte su biologalaš eadni ja
áhčči eaba leat dovdosat. Ovllá ja Piera ráhkásmuvaiga ja fár-
riiga oktii. Muhtin áigi manai, ja soai háliideigga máná. Soai
adopteriiga Juhána. Ovllá ja Piera šattaiga Juhána váhnemin.
Juhána mielas ii leat imaš ja ártet ahte su váhnemat leaba
homofiillat. Son ii sáhte árvvoštallat lea go dat fuonit vai
buoret go guokte váhnema goappat sohkabealis.