52 / 172
52
Dál ferte fas vilppastit Elina guvlui. Oaidná su ámadeaju.
Lea gal oba čáppat. Ii dovdda ovttage gii lea nu čáppat. Sus
lea unna jorba njunáš ja guhkes, čuvges vuovttat. Muhtumin
láve bárggaldat. Eanas áiggiid diktá vuovttaid luovus. Vuovt-
tat gitta olggiid rádjái. Lásse mielas orrot vuovttat litnásat ja
fiidnát. Nu go miesi guolggat dege su vielpá guolggat.
Lásse ii leat goassege guoskkahan Elina vuovttaid, danne ii
dieđe vissásit movt dat livččii. Beassá go son goassege diehtit?
Mii son lea litnáseamos, Elina guhkes vuovttat, ruksesmiesi
oanehis guolggat vai Ránne bolfeguolggat. Várra leat seam-
ma litnásat.
Viimmat čuodjagođii skuvlabiellu…
Oasáš girjjis: Livččii suohtas...- maid Laila Stien lea čállán.
Go nuorat ollejit pubertehta ahkái, de badjánišgohtet ráhkás
muvvan dovddut. Go ráhkásmuvat, de dovddat ilu, liekkus
vuođa ja muhtimin balu jos leat lahka su geasa leat ráhkás
muvvan. Jurddašat oba áigge su birra. Leavssut ja eará
beaivválaš barggut báhcet. It veaje
spaktat
ja gullat maid
oahpaheaddji hállá. Ságat ja láhtten šaddet áibbas apmasat.
Dalle háliidivččet ahte son geasa leat ráhkásmuvvan, dovdá
seammá láhkai du ektui.
Eanaš nieiddat ráhkásmuvvet gánddaide ja eanaš gánddat
ráhkásmuvvet nieiddaide. Dat gohčoduvvo namain hetero-
fiila. Muhtin nieiddat ráhkásmuvvet nieiddaide, ja muhtin
gánddat ráhkásmuvvet gánddaide. Dat gohčoduvvo na-
main homofiila. Muhtimat fas sáhttet guktui sohkabeliide
spaktat
konsentreret