51 / 172
51
Lea váttis guldalit oahpaheaddji go Elin lea nu lahka. Ja
erenoamáš váttis go johttánáigi lea. Lásse jurddahallá ain
Elina birra ja de fas ealu birra. Buot eanemus jurddaša Lásse
su iežas bohccuid birra. Son lea leamaš veahkkin merkeme
misiid. Lea doallan miesi gáibbis go áhčči čuohpai su mearkka
miesi bealljái. Nu leat ge Lássii gártan iežas bohccot. Go son
šaddá rávesolmmožin, de galgá sus stuorit ja čábbát eallu
go ovttasge earás.
Sárggus: Charlotte Helgeland