60 / 172
60
Ohcci
Loga čoahkkáigeasu s. 58 ja vástit.
1. Mii lea ráhkásmuvvan?
2. Čilge sániid heterofiila, homofiila ja bifiila!
3. Geat leat skihpárat?
4. Maid galggat vástidit jos hástaluvvot searvat
áššiide maidda it háliit searvat?
Dahkki
Dutkka, daga ja oahpa eambbo
1. Loga girjji Fastteshurvi maid Jens Martin Mienna
lea čállán. Davvi Girji. 2005.
Ságastehket dan birra makkár iešvuođat Fast
teshurvvis leat!
2. Dolin lei dábálaš ahte eadni, áhčči ja mánát ja
soite vel áhkut, ádját ja eagit dahje čeazit ja
goaskkit ja muoŧát ja oarpmealit/oambealit ja
vilbealit ásse ovtta dálus. Dat lei sin bearaš. Dál
lea bearaš dábálaččat eadni, áhčči ja mánát.
Datte muhtin bearrašiin lea dušše áhčči dahje
eadni ja mánát. Muhtin bearrašis fas guokte
eatni dahje guokte áhči ja mánát.
Mo jáhkkibehtet sáhttá čuohcat mánáide muh-
tin bearrašis, jos sii dovdet ahte sin bearaš
hápmi ja vuohki eallit ovttas ii leat seammá
árvvolaš go eará bearašhámit servodagas?
Dutki
1. Válljejehket girjjiid ja teavsttaid mat muita-
lit álbmogiid birra mat ellet eará guovlluin
máilmmis! Ságastehket dan birra mo sii ellet,
jurddašit ja vásihit dáhpáhusaid!
BARGOBIHTÁT